Foto: KZgovernment
Komitet otyrysy barysynda eki eldiń ortalyq memlekettik organdary ókilderiniń qatysýymen kedergisiz saýdany damytý úshin qolaily jaǵdai jasaý, eki eldiń kóliktik ózara bailanysyn nyǵaitý, óndiristi lokalizatsiialaý arqyly Qazaqstan aýmaǵynda birlesken investitsiialyq jobalardy iske asyrý, sondai-aq mádeni-gýmanitarlyq yntymaqtastyqty keńeitý máseleleri talqylandy, dep habarlaidy Úkimettiń baspasóz qyzmeti.
Is-shara qorytyndysy boiynsha taraptar Qazaqstan-Qytai Yntymaqtastyq komiteti 12-shi otyrysynyń hattamasyna qol qoidy. Taraptar Komitettiń qyzmetin jetildirý maqsatynda onyń quramyna Indýstriialyq-investitsiialyq yntymaqtastyq jónindegi úilestirý komitetin qosý jáne Bilim salasynda kishi komitet qurý týraly sheshim qabyldady. Sondai-aq taraptar sý resýrstary jáne muraǵat salasyndaǵy vedomstvoaralyq yntymaqtastyqty nyǵaitý jónindegi qujattarǵa qol qoidy.
Taraptar Qazaqstan men Qytaidyń arasyndaǵy keń aýqymdy máseleler boiynsha yntymaqtastyqtyń damý dinamikasyn oń baǵalady. Ótken jyldyń qorytyndysy boiynsha ekijaqty saýda kólemi $43,8 mlrd-ty qurady.
