Foto: Qazaqstan tennis federatsiiasy
28 mamyrda tennisten Frantsiianyń ashyq chempionaty – «Rolan Garros 2023» týrniri bastalady. Osyǵan bailanysty áielder men erler arasyndaǵy jekelei syndaǵy jerebe tartý rásiminiń nátijeleri belgili boldy, dep habarlaidy Halyq Uni saity.
Qazaqstannyń birinshi, álemniń 4-raketkasy Elena Rybakina irikteý kezeńderinen sátti ótken (kvalifaier) nemese irikteý kezeńiniń sońǵy kezdesýinde jeńilgen tennisshimen (laki-lýzer) kezdesedi.
Iýliia Pýtintseva birinshi ainalymda belgiialyq Marina Zanevskaiamen (88-raketka) oinaidy. Sondai-aq erler arasynda Aleksandr Býblik te alǵashqy raýndta kvalifaiermen nemese laki-lýzermen kortqa shyǵady.
Búgin Qazaqstannyń ekinshi, álemniń 147-raketkasy Timofei Skatov «Rolan Garros» irikteý saiysynyń finalynda negizgi týrnirge joldamany sarapqa salady. Ol braziliialyq Meligeni Rodriges Alves Felipemen (165-raketka) kezdesedi. Buǵan deiin qazaqstandyq tennisshi irikteý saiysynyń alǵashqy eki matchynda jeńiske jetti.
Qazaqstandyq tennisshi irikteý saiystarynyń jartylai finalynda álemniń 119-raketkasy, finliandiialyq Otto Virtanendi utty.
Osy match týraly aitsaq, birinshi partiiada fin tennisshisi 6:4 esebimen basym tústi. Esesine ekinshi sette qazaqstandyq sportshy 6:2 esebimen ese qaitardy. Ol úshinshi, sheshýshi partiiada da 3:0 esebimen shyqty. Budan keiin O.Virtanen tarazy basyn teńestirdi. Degenmen Skatov matchty taǵy bir breikpen túiindedi. Esep – 7:5.
Eki saǵat 45 minýtqa sozylǵan tartysty báseke barysynda Timofei 12 breik-pointtyń beseýin paidalandy.
Endi búgin joǵaryda aitqanymyzdai, Skatov irikteý saiystarynyń finalynda álemniń 165-raketkasy Meligeni Rodriges Alves Felipemen oinaidy. Eger Timofei braziliialyq tennisshini utsa, alǵash ret Rolan Garrostyń negizgi dodasyna joldama alady.
