فوتو: قازاقستان تەننيس فەدەراتسيياسى
28 مامىردا تەننيستەن فرانتسييانىڭ اشىق چەمپيوناتى – «رولان گارروس 2023» تۋرنيرٸ باستالادى. وسىعان بايلانىستى ەيەلدەر مەن ەرلەر اراسىنداعى جەكەلەي سىنداعى جەرەبە تارتۋ رەسٸمٸنٸڭ نەتيجەلەرٸ بەلگٸلٸ بولدى, دەپ حابارلايدى Halyq Uni سايتى.
قازاقستاننىڭ بٸرٸنشٸ, ەلەمنٸڭ 4-راكەتكاسى ەلەنا رىباكينا ٸرٸكتەۋ كەزەڭدەرٸنەن سەتتٸ ٶتكەن (كۆاليفايەر) نەمەسە ٸرٸكتەۋ كەزەڭٸنٸڭ سوڭعى كەزدەسۋٸندە جەڭٸلگەن تەننيسشٸمەن (لاكي-لۋزەر) كەزدەسەدٸ.
يۋلييا پۋتينتسەۆا بٸرٸنشٸ اينالىمدا بەلگييالىق مارينا زانەۆسكايامەن (88-راكەتكا) وينايدى. سونداي-اق ەرلەر اراسىندا الەكساندر بۋبليك تە العاشقى راۋندتا كۆاليفايەرمەن نەمەسە لاكي-لۋزەرمەن كورتقا شىعادى.
بٷگٸن قازاقستاننىڭ ەكٸنشٸ, ەلەمنٸڭ 147-راكەتكاسى تيموفەي سكاتوۆ «رولان گارروس» ٸرٸكتەۋ سايىسىنىڭ فينالىندا نەگٸزگٸ تۋرنيرگە جولدامانى ساراپقا سالادى. ول برازيلييالىق مەليگەني رودريگەس الۆەس فەليپەمەن (165-راكەتكا) كەزدەسەدٸ. بۇعان دەيٸن قازاقستاندىق تەننيسشٸ ٸرٸكتەۋ سايىسىنىڭ العاشقى ەكٸ ماتچىندا جەڭٸسكە جەتتٸ.
قازاقستاندىق تەننيسشٸ ٸرٸكتەۋ سايىستارىنىڭ جارتىلاي فينالىندا ەلەمنٸڭ 119-راكەتكاسى, فينلياندييالىق وتتو ۆيرتانەندٸ ۇتتى.
وسى ماتچ تۋرالى ايتساق, بٸرٸنشٸ پارتييادا فين تەننيسشٸسٸ 6:4 ەسەبٸمەن باسىم تٷستٸ. ەسەسٸنە ەكٸنشٸ سەتتە قازاقستاندىق سپورتشى 6:2 ەسەبٸمەن ەسە قايتاردى. ول ٷشٸنشٸ, شەشۋشٸ پارتييادا دا 3:0 ەسەبٸمەن شىقتى. بۇدان كەيٸن و.ۆيرتانەن تارازى باسىن تەڭەستٸردٸ. دەگەنمەن سكاتوۆ ماتچتى تاعى بٸر برەيكپەن تٷيٸندەدٸ. ەسەپ – 7:5.
ەكٸ ساعات 45 مينۋتقا سوزىلعان تارتىستى بەسەكە بارىسىندا تيموفەي 12 برەيك-پوينتتىڭ بەسەۋٸن پايدالاندى.
ەندٸ بٷگٸن جوعارىدا ايتقانىمىزداي, سكاتوۆ ٸرٸكتەۋ سايىستارىنىڭ فينالىندا ەلەمنٸڭ 165-راكەتكاسى مەليگەني رودريگەس الۆەس فەليپەمەن وينايدى. ەگەر تيموفەي برازيلييالىق تەننيسشٸنٸ ۇتسا, العاش رەت رولان گارروستىڭ نەگٸزگٸ دوداسىنا جولداما الادى.
