Aitysker aqyn Rinat Zaiytov Almatydaǵy "Alataý" dástúrli óner teatrynyń direktory bolyp taǵaiyndaldy, dep habarlaidy Sputnik Qazaqstan. Bul aqparatty teatrdyń PR-menedjeri rastady.
"Búgin Almaty qalasy mádeniet basqarmasynyń basshysy Ǵani Mailybaev kelip taǵaiyndady. Buǵan deiin bul qyzmetti atqarǵan kisi basqa jumysqa aýysýyna bailanysty óz ótinishimen qyzmetinen ketti", - dedi teardyń PR-menedjeri.
Aitýynsha, Rinat Zaiytov qazir teatrdy aralap, jumys ornymen tanysyp jatyr.
Rinat Zaiytov 1983 jyly 17 qarashada Shyǵys Qazaqstan oblysynyń Aiagóz qalasynda dúniege kelgen. Muqan Tólebaev atyndaǵy mýzyka kolledjin "Dramalyq teatr akteri" mamandyǵy boiynsha támamdaǵan. Diplom alǵannan keiin Semeidegi memlekettik pedagogikalyq institýtyna oqýǵa túsedi. Osylaisha qazaq tili men ádebieti pániniń oqytýshysy bolady.
Aitysqa 17 jasynan bastap aralasa bastaǵan. Semeidegi jastar teatrynda qyzmet etti. Aimaqtyq, respýblikalyq jáne halyqaralyq aitystardyń jeńimpazy.
"Aiagóz aýdanynyń qurmetti azamaty, "Astananyń damýyna qosqan úlesi úshin" medaliniń iegeri.
Úilengen. Bes balasy bar.
