Álemdik jáne dástúrli din kóshbasshylary VII seziniń aiasynda Rim Papasy Frantsisktiń qatysýymen ótetin messa sharasyna kelgen reseilik din qyzmekteri sharany tarihi mańyzy bar oqiǵa dep atady, dep habarlaidy QazAqparat.
«Bul sharaǵa jalǵyz keldim. Men - Reseidegi grek-katolikterdiń ordenariatynyń ókilimin. Rim Papasynyń arnaiy kelip, dindesterimen kezdesýi árqashan mańyzdy tarihi oqiǵa bolyp esepteledi. Papanyń Reseige kele almaityny ókinishti. Biraq bul Qazaqstanǵa kelip turǵan birinshi Rim Papasy emes ekenin bilemiz. Qaita Qazaqstanǵa kelip Rim Papasymen kezdese alatynymyz kóńil qýantady», - dedi pirádar Ivan.
Reseilik meiman astanadaǵy aýa raiynyń messaǵa kelýshiler úshin jaily bolyp turǵanyn atady.
«Qazaqstanǵa jii kelip turamyn, jalpy. Búgin astanadaǵy kún raiynyń jaimashýaq bolyp turýyn adam tilimen aitsaq, sáikestik deýge bolatyn shyǵar. Al qudai nanymymen aitsaq, jaratýshynyń qudyreti dep túsindirýge bolady.
Rim Papasy bolǵan túrli kezdesýlerde, túrli elderde boldym. Ol kelgen kezde jergilikti kún raiy túbegeili ózgeredi. 40 gradýs aptap kezinde Rim Papasynyń dini qyzmet jasaǵany esimde qalypty. Duǵa bastalǵan kezde aspandy bul torlap, kún raiy salqyndap shyǵa kelgen bolatyn», - dedi dini qyzmetker.
Aita ketý kerek, eki kúnge sozylatyn sezge 50 elden 100-den astam delegatsiia, onyń ishinde islam, hristian, býddizm, iýdaizm, indýizm, daosizm, zoroastrizm, sintoizm dinderiniń ókilderi, sondai-aq saiasatkerler men qoǵam qairatkerleri, halyqaralyq uiym músheleri kelgen.
Dini forýmǵa arnaiy qonaq Rim Papasy Frantsiskten bólek Ál-Azhardyń Joǵarǵy imamy Ahmed Mohammed Ahmed at-Taieb, Ierýsalim Patriarhy III Teofil, Ashkenazdyń bas ravvini David Laý, Izraildiń Bas sefard ravvini Itshak Iosif jáne basqa da dini jetekshiler, birqatar halyqaralyq uiymnyń ókilderi qatysady.
Keshe keshke Prezident Qasym-Jomart Toqaev sezdiń arnaiy qonaǵy Rim Papasy Frantsiskti elorda áýejaiynan kútip aldy.
Keiinnen Qazaqstan Prezidenti men Rim Papasy azamattyq qoǵam jáne diplomatiialyq korpýs ókilderimen kezdesti.
Kezdesýde katolik shirkeýiniń basshysy Qazaqstannyń ólim jazasynan bas tartqanyna joǵary baǵa berip, Qazaqstan Konstitýtsiiasynyń nanym-senim bostandyǵynyń kepili ekenin atady.
Din kóshbasshysy Frantsisktiń elimizge memlekettik sapary Rim Papasy Ioann II Pavel Qazaqstanǵa 2001 jyly kelgennen keiin alǵash ret ótip jatyr. Búgin ol elordada messa ótkizedi. Oǵan 3 myńǵa jýyq adam qatyspaq.
