Memleket basshysynyń atyna Qazaqstan Respýblikasynyń Táýelsizdik kúnine orai quttyqtaý jedelhattary kelip tústi, dep habarlaidy Aqordanyń baspasóz qyzmeti.
Qasym-Jomart Toqaevtyń atyna Qazaqstan Respýblikasynyń Táýelsizdik kúnine orai shet memleketterdiń basshylary men halyqaralyq uiymdardyń jetekshilerinen quttyqtaý jedelhattary kelip túsýde.
Germaniia Federativtik Respýblikasynyń Prezidenti Frank-Valter Shtainmaier jeke óziniń jáne búkil eliniń atynan Qazaqstan halqyn Táýelsizdik kúnimen shyn júrekten quttyqtady.
«Táýelsizdik alǵan sátten bastap eki eldi dostyq ári tyǵyz qatynastar biriktiredi. Qazaqstandaǵy etnikalyq nemister óz mádenietine degen qurmetke ie bola otyryp, elderimiz arasyn bailanystyrýshy altyn kópir bolyp otyr. Sizdiń Berlinge jasaǵan byltyrǵy saparyńyz bizdiń yntymaqtastyǵymyzǵa qosymsha serpin berdi. Germaniia bolashaqta Qazaqstannyń senimdi seriktesi bolyp qala beredi» delingen GFR Prezidentiniń jedelhatynda.
Rim Papasy Frantsisk quttyqtaý hatynda Qazaqstan Prezidentin Táýelsizdik kúnimen quttyqtap, barlyq eldiń beibitshilik pen yntymaqtastyqta bolýyna jáne qudaidyń rizashylyǵyna bólene berýine tilektestik bildirgen júrekjardy sózderin jetkizgen.
Qazaqstannyń Táýelsizdik alǵanyna 29 jyl tolýyna orai Qasym-Jomart Toqaevqa Qyrǵyz Respýblikasy Prezidentiniń mindetin atqarýshy Talant Mamytov ta quttyqtaý hatyn joldady.
«Qazaqstan Respýblikasy táýelsizdik jyldary memleketti qalyptastyrý, saiasi jáne áleýmettik-ekonomikalyq damý isinde úlken tabysqa qol jetkizdi, halyqaralyq arenadaǵy elińizdiń bedeli birtindep nyǵaiyp keledi. Qyrǵyz Respýblikasy men Qazaqstan Respýblikasy arasyndaǵy tatý kórshilikke, strategiialyq seriktestikke jáne odaqtastyq bailanystarǵa negizdelgen ekijaqty qatynastar eki eldiń igiligi úshin odan ári damyp, tereńdei beretinine senimdimin» delingen jedelhatta.
Avstriianyń Federaldyq Prezidenti Aleksandr Van der Bellen óziniń quttyqtaýynda barlyq qazaqstandyqtarǵa baq-bereke tilegen.
«Elderimiz arasynda qalyptasqan jaqsy dostyq qarym-qatynastar ekonomika jáne energetika salalaryndaǵy yntymaqtastyqtyń odan ári damyp, keńeiýine septigin tigizedi dep senemin», – dep jazǵan Avstriia Prezidenti.
Sonymen qatar Qasym-Jomart Toqaevtyń atyna quttyqtaý jedelhattaryn Niderland Koroli Villem-Aleksandr, Kanadanyń General-gýbernatory Jiýli Paiett, Malaiziianyń Premer-Ministri Tan Sri Mýhiddin Iasin, Tailand Koroldiginiń Premer-Ministri Praiýt Chan-Ocha, Avstraliia General-gýbernatory Devid Herli, Nikaragýa Prezidenti Daniel Ortega Saavedra jáne Nikaragýanyń Premer-Ministri Rosario Mýrilo joldady.
