Rim papasy Frantsisk Fiýmichino áýejaiynan Egipetke ushar aldynda qol bulǵap tur. Rim, 28 sáýir 2017 jyl.
Rim papasy Frantsisk álemdegi barlyq dinderdiń jetekshileri zorlyq-zombylyq pen óshpendilikti qozdyratyn dini ekstremizmge birlese tize qosyp, qarsy turýy kerek dep málimdedi. Bul týraly ol juma kúni Egipetke eki kúndik jumys saparymen kelgende aitqan.
Kair qalasyndaǵy baspasóz máslihatynda, islam isteri jónindegi joǵarǵy keńeste sóilegen sózinde Frantsisk «Qudaidyń atymen eshqandai zorlyq-zombylyq jasaýǵa bolmaidy» dep málimdegen.
Vatikan basshysynyń Egipetke saparynyń negizgi maqsaty – katolikter men musylmandar arasyndaǵy jaǵdaidy jaqsartýdy kózdeidi.
Egipette sáýirdiń 9-y kúni hristian shirkeýlerine qarsy jasalǵan birneshe shabýyldan 45 adam qaza tapqannan keiin, bilik 10 sáýirden bastap elde tótenshe jaǵdai rejimin engizgen.
Azattyq
