Sýret: Instagram/danial.akhmetov.official
Shyǵys Qazaqstan oblysy Ridder qalasyndaǵy jylý elektr ortalyǵynan órt shyqty, dep habarlaidy QazAqparat portaly.
Áleýmettik jelide Ridder qalasyndaǵy jylý elektr ortalyǵy órtenip jatqandyǵy túsirilgen video tarady.
Aimaqtyq TJD baspasóz qyzmeti órt shyqqanyn rastady. Biraq sol jerde oblys ákimdiginiń jedel shtaby qurylǵandyqtan, ázirge aqparat bere almaityndyqtaryn aitty.
Oblystyq Qoǵamdyq damý basqarmasy qyzmetkerleriniń málimetinshe, qazirgi ýaqytta órtpen kúres jalǵasyp jatyr.
«Aimaq basshysy Danial Ahmetov sol jerge jolǵa shyqty. Shtab otyrysynyń qorytyndysynan keiin qosymsha aqparat beriledi», - dedi basqarma ókilderi.
Eske salsaq, ótken jyldyń sońynda Ridderdegi jylý qazandyǵynan aqaý shyǵyp, qalada tótenshe jaǵdai jariialanǵan. Sondai-aq biyl 4 qańtarda Ridder jylý elektr ortalyǵyndaǵy stansada taǵy da apat boldy.
