سۋرەت: Instagram/danial.akhmetov.official
شىعىس قازاقستان وبلىسى ريددەر قالاسىنداعى جىلۋ ەلەكتر ورتالىعىنان ٶرت شىقتى, دەپ حابارلايدى قازاقپارات پورتالى.
ەلەۋمەتتٸك جەلٸدە ريددەر قالاسىنداعى جىلۋ ەلەكتر ورتالىعى ٶرتەنٸپ جاتقاندىعى تٷسٸرٸلگەن ۆيدەو تارادى.
ايماقتىق تجد باسپاسٶز قىزمەتٸ ٶرت شىققانىن راستادى. بٸراق سول جەردە وبلىس ەكٸمدٸگٸنٸڭ جەدەل شتابى قۇرىلعاندىقتان, ەزٸرگە اقپارات بەرە المايتىندىقتارىن ايتتى.
وبلىستىق قوعامدىق دامۋ باسقارماسى قىزمەتكەرلەرٸنٸڭ مەلٸمەتٸنشە, قازٸرگٸ ۋاقىتتا ٶرتپەن كٷرەس جالعاسىپ جاتىر.
«ايماق باسشىسى دانيال احمەتوۆ سول جەرگە جولعا شىقتى. شتاب وتىرىسىنىڭ قورىتىندىسىنان كەيٸن قوسىمشا اقپارات بەرٸلەدٸ», - دەدٸ باسقارما ٶكٸلدەرٸ.
ەسكە سالساق, ٶتكەن جىلدىڭ سوڭىندا ريددەردەگٸ جىلۋ قازاندىعىنان اقاۋ شىعىپ, قالادا تٶتەنشە جاعداي جارييالانعان. سونداي-اق بيىل 4 قاڭتاردا ريددەر جىلۋ ەلەكتر ورتالىعىنداعى ستانسادا تاعى دا اپات بولدى.
