Ridder qalasyndaǵy jylý elektr ortalyǵynda aqaý shyqqan qazandyq qaita qalpyna keltirildi, dep habarlaidy QazAqparat agenttigi.
10 qarasha kúni túngi saǵat 01:00-de jylý elektr ortalyǵyndaǵy №6 qazandyq apatty jaǵdaida sóndirilgen bolatyn.
ShQO ákimdiginiń málimetinshe, qazirgi ýaqytta qazandyq qaita qalpyna keltirildi. Aldaǵy birneshe saǵatta qazandyq iske qosylyp, jylý bere bastaidy.
Tótenshe jaǵdai jónindegi shtabtyń dereginshe, 11 qarasha tańǵy saǵat 8:00-degi jaǵdai boiynsha jylý elektr ortalyǵyndaǵy temperatýra - 57/44 gradýs.
Al syrtqy temperatýra - 2 gradýs.
«Sonymen qatar búgin JEO-ǵa qosymsha 4 tsisterna mazýt jetkizildi. Qalada energiia tutyný 9 MVt (buryn 12-19 MVt bolatyn) qurap otyr. Bul úilerdegi temperatýralyq rejim qalpyna kele bastaǵanyn jáne turǵyndardyń elektr quraldaryn az paidalanyp jatqanyn kórsetedi», - delingen aqparatta.
Eske salsaq, 5 qarasha kúni saǵat 20.00-de atalǵan ortalyqtaǵy kúl shyǵarý júiesindegi sorǵy isten shyǵyp, №1 qazandyq agregatynyń qosalqy jabdyǵy apatty jaǵdaida ajyratylǵan bolatyn.
Sonyń saldarynan 22 myńnan astam abonent úshin jylý berý azaityldy.
Oblys biligi Ridderdegi jylý elektr ortalyǵynyń jumysyn 9 qarashaǵa deiin qalpyna keletinin málim etken.
Keshe Ridderdegi jylý elektr ortalyǵynda taǵy da apat boldy.
