Shyǵys Qazaqstan oblysy Ridder qalasynyń turǵyndary Qyzyl kitapqa engen ósimdikti julǵany úshin sottaldy, dep habarlaidy "Ult aqparat".
ShQO boiynsha QAJ departamenti baspasóz qyzmetiniń málimetine súiensek, Ridder orman sharýashylyǵy aýmaǵyndaǵy Razlevanka ózeniniń janynda úsh er adam joiylyp ketý qaýpi bar ósimdikterdi julǵan.
Belgili bolǵandai, olar Qyzyl kitapqa engen ósimdiktiń 250-den astam sabaǵyn kesti.
Sottalǵandardyń aitýynsha, olar ósimdikten salat jasamaqshy bolǵan. Ridder qalalyq sotynyń úkimimen aiyptalýshylardyń QR QK-niń 339-baby 2-bóligi 2-tarmaǵyna sáikes úsh jylǵa bas bostandyqtary shekteldi.
«Sottalǵandar probatsiia qyzmetine esepke qoiyldy. Qazirgi ýaqytta er adamdarmen profilaktikalyq jumys júrgizilýde. Eger olar qaita quqyq buzýshylyq jasaǵan jaǵdaida bas bostandyǵynan shekteý jazasy – bas bostandyǵynan aiyrýǵa aýysýy múmkin», - dedi Ridder qalalyq probatsiia qyzmetiniń bastyǵy Almira Maiylhanova.
