شىعىس قازاقستان وبلىسى ريددەر قالاسىنىڭ تۇرعىندارى قىزىل كٸتاپقا ەنگەن ٶسٸمدٸكتٸ جۇلعانى ٷشٸن سوتتالدى, دەپ حابارلايدى "ۇلت اقپارات".
شقو بويىنشا قاج دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, ريددەر ورمان شارۋاشىلىعى اۋماعىنداعى رازلەۆانكا ٶزەنٸنٸڭ جانىندا ٷش ەر ادام جويىلىپ كەتۋ قاۋپٸ بار ٶسٸمدٸكتەردٸ جۇلعان.
بەلگٸلٸ بولعانداي, ولار قىزىل كٸتاپقا ەنگەن ٶسٸمدٸكتٸڭ 250-دەن استام ساباعىن كەستٸ.
سوتتالعانداردىڭ ايتۋىنشا, ولار ٶسٸمدٸكتەن سالات جاساماقشى بولعان. ريددەر قالالىق سوتىنىڭ ٷكٸمٸمەن ايىپتالۋشىلاردىڭ قر قك-نٸڭ 339-بابى 2-بٶلٸگٸ 2-تارماعىنا سەيكەس ٷش جىلعا باس بوستاندىقتارى شەكتەلدٸ.
«سوتتالعاندار پروباتسييا قىزمەتٸنە ەسەپكە قويىلدى. قازٸرگٸ ۋاقىتتا ەر ادامدارمەن پروفيلاكتيكالىق جۇمىس جٷرگٸزٸلۋدە. ەگەر ولار قايتا قۇقىق بۇزۋشىلىق جاساعان جاعدايدا باس بوستاندىعىنان شەكتەۋ جازاسى – باس بوستاندىعىنان ايىرۋعا اۋىسۋى مٷمكٸن», - دەدٸ ريددەر قالالىق پروباتسييا قىزمەتٸنٸڭ باستىعى الميرا مايىلحانوۆا.
