Shyǵys Qazaqstan oblysy Ridder qalasynda anasyn uryp óltirgen er adam 6 jylǵa bas bostandyǵynan aiyryldy.
Bul jaily Ridder qalalyq sotynyń baspasóz qyzmeti habarlap otyr.
«QR Qylmystyq Kodeksiniń 106-baby 3-bóligine (densaýlyqqa qasaqana aýyr ziian keltirip, abaisyzda jábirlenýshiniń ólimine ákep soqtyrǵan) sáikes qaralǵan qylmystyq is máresine jetti. Belgili bolǵandai, ótken jyldyń 30 qarashasynda ishimdik ishken aiyptalýshy týyndaǵan janjal barysynda anasynyń betine birneshe ret soqqy jasaǵan. Osynyń saldarynan aýyr dárejedegi dene jaraqatyn alǵan áiel adam kóz jumdy. Sot barysynda sottalýshy óz kinásin tolyqtai moiyndap, istegen isine ókinetindigin jetkizdi», - delingen habarlamada.
Sot qaýlysy boiynsha aiyptalýshy 6 jyl merzimge bas bostandyǵynan aiyryldy. Eki tarap ta úkimmen kelisip, apelliatsiialyq shaǵym túsirmegen. Úkim tolyqtai zańdy kúshine endi.
