شىعىس قازاقستان وبلىسى ريددەر قالاسىندا اناسىن ۇرىپ ٶلتٸرگەن ەر ادام 6 جىلعا باس بوستاندىعىنان ايىرىلدى.
بۇل جايلى ريددەر قالالىق سوتىنىڭ باسپاسٶز قىزمەتٸ حابارلاپ وتىر.
«قر قىلمىستىق كودەكسٸنٸڭ 106-بابى 3-بٶلٸگٸنە (دەنساۋلىققا قاساقانا اۋىر زييان كەلتٸرٸپ, ابايسىزدا جەبٸرلەنۋشٸنٸڭ ٶلٸمٸنە ەكەپ سوقتىرعان) سەيكەس قارالعان قىلمىستىق ٸس مەرەسٸنە جەتتٸ. بەلگٸلٸ بولعانداي, ٶتكەن جىلدىڭ 30 قاراشاسىندا ٸشٸمدٸك ٸشكەن ايىپتالۋشى تۋىنداعان جانجال بارىسىندا اناسىنىڭ بەتٸنە بٸرنەشە رەت سوققى جاساعان. وسىنىڭ سالدارىنان اۋىر دەرەجەدەگٸ دەنە جاراقاتىن العان ەيەل ادام كٶز جۇمدى. سوت بارىسىندا سوتتالۋشى ٶز كٸنەسٸن تولىقتاي مويىنداپ, ٸستەگەن ٸسٸنە ٶكٸنەتٸندٸگٸن جەتكٸزدٸ», - دەلٸنگەن حابارلامادا.
سوت قاۋلىسى بويىنشا ايىپتالۋشى 6 جىل مەرزٸمگە باس بوستاندىعىنان ايىرىلدى. ەكٸ تاراپ تا ٷكٸممەن كەلٸسٸپ, اپەللياتسييالىق شاعىم تٷسٸرمەگەن. ٷكٸم تولىقتاي زاڭدى كٷشٸنە ەندٸ.
