Qazaqstan-Resei qatynastary XXI ǵasyrda tatý kórshi jáne odaqtas kelisimi men qazaqstandyq-reseilik shekara kelisimderiniń negizinde qalyptasýda. Bul týraly QR Parlamenti Májilisiniń Halyqaralyq ister, qorǵanys jáne qaýipsizdik komitetiniń tóraǵasy Máýlen Áshimbaev málim etti, dep habarlaidy Ult.kz tilshisi QazAqparat agenttigine silteme jasap.
Resei Federatsiiasy Qazaqstan úshin Eýraziialyq ekonomikalyq odaq pen UQShU boiynsha basty seriktesterdiń biri sanalady. Sondai-aq bul el Qazaqstannyń saýda-ekonomikalyq jáne mádeni-gýmanitarlyq salalary boiynsha da mańyzdy seriktesiniń biri. Eki eldiń prezidentteri barlyq forýmdar men alańdarda ózara qoldaý men túsinistik tanytyp keledi.
«Bul úkimetter men parlamentter deńgeiindegi ózara is-qimyldarǵa da bailanysty. Osy oraida RF -men qatynastardyń joǵary deńgeiine Qazaqstan Táýelsizdiginiń 25 jyldyǵy qarsańynda Resei Federatsiiasy Memlekettik dýmasynyń tóraǵalyǵyna sailanǵan Viacheslav Volodinniń alǵashqy resmi sapary dálel bolyp otyr. Sondyqtan da Qazaqstanǵa aýmaqtyq narazylyǵy boiynsha Memlekettik dýmanyń depýtaty Shperov aitqan sózder qisynǵa kelmeidi dep oilaimyn. Osy tektes pikirler Qazaqstan men Reseidiń dostyq ári tatý kórshilik qatynastar rýhyna sáikes emes. Sebebi, eki eldiń qatynastary strategiialyq seriktestik ustanymdaryna negizdelgen», - deidi Áshimbaev.
Osy rette depýtat Qazaqstannyń Táýelsizdigi men aýmaqtyq tutastyǵy berik ári turaqty ekenin atap ótti. Bizdiń shekaralar halyqaralyq kelisimderde aiqyndalyp, bekitilgen. Sondyqtan bizdiń memlekettiń aýmaqtyq tutastyǵyna kúmán keltirýge eshkimniń de quqyǵy joq.
«Memlekettik dýmanyń depýtattary memleketterdiń táýelsizdigi men aýmaqtyq tutastyǵyna qatysty máselelerde sózderine abai bolýy kerek dep paiymdaimyn. Sondai-aq olar strategiialyq seriktestik, bizdiń elder men halyqtar arasyndaǵy yntymaqtastyq pen dostyq ustanymdaryna erekshe mán berýi qajet», - dep túiindedi sózin Májilis komitetiniń tóraǵasy.
