Qylmystyq ister boiynsha Medeý aýdandyq soty keshe ustalǵan rejisser Talǵat Jánibekovke qatysty bultartpaý sharasyn qoldandy, - dep habarlaidy "Ult aqparat" kaz.tengrinews.kz portalyna silteme jasap.
"Sot bultarpaý sharasy retinde Talǵat Jánibekovti eki aiǵa qamaýǵa alý týraly sheshim shyǵardy", - dedi Almaty qalalyq sotynyń Aqparatpen qamtamasyzdandyrý bóliminiń basshysy Diias Mahambetov.
Osylaisha, rejisser 2017 jyldyń 28 aqpanyna deiin tergeý izoliatorynda qamaýda bolady. Rejisserdiń advokaty Serik Aitbaev sot úkimine shaǵym túsirmekshi.
Eske sala keteiik, keshe "Feniks" filminen qarajat jymqyrdy degen kúdikpen rejisser Talǵat Jánibekov ustalǵan bolatyn. "Búgin ony "qylmys ornynda quryqtaldy" dep ustap áketti. Ustaý týraly qaýlyda solai jazylǵan. Kúlkili. 72 saǵatqa ustaý úshin adam qylmys ornynda ustalýy kerek", - dep habarlaǵan edi rejisserdiń advokaty Serik Aitbaev.
