قىلمىستىق ٸستەر بويىنشا مەدەۋ اۋداندىق سوتى كەشە ۇستالعان رەجيسسەر تالعات جەنٸبەكوۆكە قاتىستى بۇلتارتپاۋ شاراسىن قولداندى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"سوت بۇلتارپاۋ شاراسى رەتٸندە تالعات جەنٸبەكوۆتٸ ەكٸ ايعا قاماۋعا الۋ تۋرالى شەشٸم شىعاردى", - دەدٸ الماتى قالالىق سوتىنىڭ اقپاراتپەن قامتاماسىزداندىرۋ بٶلٸمٸنٸڭ باسشىسى ديياس ماحامبەتوۆ.
وسىلايشا, رەجيسسەر 2017 جىلدىڭ 28 اقپانىنا دەيٸن تەرگەۋ يزولياتورىندا قاماۋدا بولادى. رەجيسسەردٸڭ ادۆوكاتى سەرٸك ايتباەۆ سوت ٷكٸمٸنە شاعىم تٷسٸرمەكشٸ.
ەسكە سالا كەتەيٸك, كەشە "فەنيكس" فيلمٸنەن قاراجات جىمقىردى دەگەن كٷدٸكپەن رەجيسسەر تالعات جەنٸبەكوۆ ۇستالعان بولاتىن. "بٷگٸن ونى "قىلمىس ورنىندا قۇرىقتالدى" دەپ ۇستاپ ەكەتتٸ. ۇستاۋ تۋرالى قاۋلىدا سولاي جازىلعان. كٷلكٸلٸ. 72 ساعاتقا ۇستاۋ ٷشٸن ادام قىلمىس ورنىندا ۇستالۋى كەرەك", - دەپ حابارلاعان ەدٸ رەجيسسەردٸڭ ادۆوكاتى سەرٸك ايتباەۆ.
