Rejisser Sáken Joldas latyn negizindegi qazaq álipbiin pernetaqtaǵa aýystyrýǵa qatysty óz nusqasyn tanystyrdy, - dep habarlaidy Tengrinews.kz tilshisi.
Mamannyń aitýynsha, ol bastapqyda jańa álipbide akýttardyń bolǵanyn qoldaǵan. Onyń aitýynsha, áripterdiń kóbi bul júiemen jumys istei alady. Osy oraida maman ispan, frantsýz, cheh jáne Eýropadaǵy basqa tilderdi mysal retinde keltirdi.
"Apostroftarmen qandai qiyndyqtar boldy? Mysaly, sen "a" árpine apostrof qoiatyn bolsań, pernetaqtada simvoldarǵa kóshý kerek bolady. Akýttarmen de dál solai, "a" batyrmasyn uzaq basyp tursańyz, Iphone ony avtomatty túrde akýtqa ainaldyrady. Akýtty qoldaný jeńilirek, sondyqtan da men osy ideiany usyndym", - dep túsindirdi qazaqstandyq.
Munymen qosa, qazaqstandyq jigit arnaiy pernetaqta engizý týraly sheshimge taǵy birneshe usynys aityp otyr. Joldastyń aitýynsha, bul júie áripterdi tez terýge múmkindik beredi. Ol tipti munyń qalai jumys isteitinin video arqyly kórsetti.
Sáken Joldas Qazaqstandaǵy jańa qazaq álipbiiniń bekitilýine qatysty óz oiyn aita otyryp, pernetaqtany durys standarttaý qajettigin aityp ótti.
"Álipbidiń jańa nusqasynda basty ideia - akýtty qoldaný. Ol ideia engizildi. Al "Ǵ" árpin men bastapqyda "Gh" árpine aýystyrýdy usynǵan edim. Munda aita ketý kerek, "ǵ" árpi akýtpen esh qoldanylmaidy. Áitpese, biz áripterdiń 80 paiyzyn akýtpen jaza alar edik. Osyndai sátter bolmasa, qiyn eshteńesi joq. Eń bastysy, basty ideiany qoldandy", - deidi Joldas.
Aita keteiik, qazaqstandyq usynǵan jobany osyǵan deiin QR Bas prokýratýrasynyń Quqyqtyq statistika jáne arnaiy esep komitetiniń tóraǵasy Baǵdat Mýsin qoldaǵan bolatyn.
Búgin, 20 aqpanda Elbasy Nursultan Nazarbaev latyn negizindegi qazaq álipbiiniń jańa nusqasyn bekitti.
