Rezervtik qordaǵy 26 myńnan astam tósek-orynda naýqastar em alyp jatyr. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
Ministrdiń aitýynsha, 27 sáýirdegi málimetterge sáikes, respýblikada aldyn ala daiyndalǵan infektsiialyq tósek-oryndardyń 41 paiyzynda jáne reanimatsiialyq tósek-oryndardyń 28 paiyzynda naýqastar em alyp jatyr. Bul rette infektsiialyq tósek-oryndardyń Mańǵystaý oblysynda - 58, Almaty qalasynda - 57, Almaty oblysynda - 57 jáne Nur-Sultan qalasynda 56 paiyzy bos emes.
«Shamamen 62 myń tósek-oryndy quraityn, onyń ishinde 9 700 tósek-oryn bar rezervtik qor quryldy. Búginde rezervtegi qordan 26 122 tósek-oryn Aqtóbe, Qostanai oblystary men Shymkent qalasyn qospaǵanda elimizdiń barlyq óńirlerindegi infektsiialyq statsionarlarda, kópbeiindi aýrýhanalardyń bólimshelerinde jumyldyryldy», - dedi ol.
Sonymen qatar Aleksei Tsoi reanimatsiialyq tósek-orynda em alyp jatqan naýqastardyń Batys Qazaqstan oblysynda 57, Almaty qalasynda 55 jáne Nur-Sultan qalasynda 54 paiyzdy quraityndyǵyn basa aitty.
