رەزەرۆتٸك قورداعى 26 مىڭنان استام تٶسەك-ورىندا ناۋقاستار ەم الىپ جاتىر. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
مينيستردٸڭ ايتۋىنشا, 27 سەۋٸردەگٸ مەلٸمەتتەرگە سەيكەس, رەسپۋبليكادا الدىن الا دايىندالعان ينفەكتسييالىق تٶسەك-ورىنداردىڭ 41 پايىزىندا جەنە رەانيماتسييالىق تٶسەك-ورىنداردىڭ 28 پايىزىندا ناۋقاستار ەم الىپ جاتىر. بۇل رەتتە ينفەكتسييالىق تٶسەك-ورىنداردىڭ ماڭعىستاۋ وبلىسىندا - 58, الماتى قالاسىندا - 57, الماتى وبلىسىندا - 57 جەنە نۇر-سۇلتان قالاسىندا 56 پايىزى بوس ەمەس.
«شامامەن 62 مىڭ تٶسەك-ورىندى قۇرايتىن, ونىڭ ٸشٸندە 9 700 تٶسەك-ورىن بار رەزەرۆتٸك قور قۇرىلدى. بٷگٸندە رەزەرۆتەگٸ قوردان 26 122 تٶسەك-ورىن اقتٶبە, قوستاناي وبلىستارى مەن شىمكەنت قالاسىن قوسپاعاندا ەلٸمٸزدٸڭ بارلىق ٶڭٸرلەرٸندەگٸ ينفەكتسييالىق ستاتسيونارلاردا, كٶپبەيٸندٸ اۋرۋحانالاردىڭ بٶلٸمشەلەرٸندە جۇمىلدىرىلدى», - دەدٸ ول.
سونىمەن قاتار الەكسەي تسوي رەانيماتسييالىق تٶسەك-ورىندا ەم الىپ جاتقان ناۋقاستاردىڭ باتىس قازاقستان وبلىسىندا 57, الماتى قالاسىندا 55 جەنە نۇر-سۇلتان قالاسىندا 54 پايىزدى قۇرايتىندىعىن باسا ايتتى.
