Reiderlik basyp alýmen ainalysqan qylmystyq toptyń jańa sybailastary anyqtaldy, - dep habarlaidy "Ult aqparat" QMA baspasóz qyzmetine silteme jasap.
Buryn Qarjy monitoringi agenttigi uzaq ýaqyt boiy reiderlik tárkileýmen ainalysqan bir top adamnyń áreketin toqtatqanyn habarlaǵan edi.
"Eske salaiyq, sotaldy tergeý aiasynda 5 qatysýshy qamaýǵa alynyp, uiymdastyrýshy - Qospaev Eldos, sondai-aq onyń senimdi adamdary Imashev Erlan men Shalin Rýslandy izdeý jariialanǵan bolatyn. Olarǵa qatysty sot syrttai bultartpaý sharasyn – qamaýǵa alýdy sanktsiialady", - delingen habarlamada.
Sonymen qatar, qylmysqa qatysy bar basqa da sybailastar anyqtalǵan - Qospaev Aidos, Kýdriasheva Oksana jáne Kýznetsov Aleksei.
"Bul adamdar da izdeýde. Izdeýdegi adamdardyń qaida ekenin biletin bolsańyz, QMA senim telefonyna habarlasyńyz. Aqparat bergeni úshin aqshalai syiaqy, al qupiialylyqqa kepildik beriledi", - delingen QMA málimetinde.
QR QPK-nyń 201-baby negizinde is boiynsha ózge málimet jariia etilmeidi.
