Keibir áleýmettik jelilerde paidalanýshylar COVID-19-ǵa qarsy revaktsinatsiiadan ótpeýge shaqyrýda. Olardyń pikirinshe, býsterlik vaktsina alǵandardyń barlyǵy SARS-CoV-2 koronavirýsynyń omikron nusqasyn juqtyrady. Bul málimdeme tolyǵymen negizsiz jáne ǵylymi málimetterge qaishy keledi, dep habarlaidy Stopfake.kz saity.
COVID-19-ǵa qarsy revaktsinatsiia, qazirgi málimetterge sáikes, omikron nusqasyn juqtyrýǵa yqpal etpeidi, kerisinshe odan jáne aýrýdyń aýyr aǵymynan qorǵaidy.
AQSh aýrýlardy baqylaý jáne aldyn alý ortalyǵynyń (CDC) zertteýine sáikes, Pfizer-BioNtech jáne Moderna vaktsinalarynyń býsterlik dozalary dertke shaldyǵý saldarynan aýrýhanaǵa jatqyzbaýda 90% tiimdi jáne jaǵdailardyń 82%-nda aýrýdyń aýyr túriniń damýyna jol bermeidi.
CDC málimetteri boiynsha, 50 jastan asqan egilmegen adamdar úshin COVID-19 juqtyrǵan jaǵdaida aýrýhanaǵa jatqyzý yqtimaldyǵy vaktsinatsiialanǵan jáne revaktsinatsiialanǵan adamdarǵa qaraǵanda 45 ese joǵary.
Pfizer jáne BioNTech kompaniialary 2021 jylǵy jeltoqsan aiynda júrgizgen zerthanalyq zertteýlerde vaktsinanyń býsterlik dozasy omikron nusqasyn juqtyrýdyń aýyr túrimen aýrýdyń, aýrýhanaǵa jatqyzý men aýrý saldarynan bolatyn ólimdi boldyrmaýda asa tiimdi ekendigi kórsetilgen.
Revaktsinatsiialanǵan adamdar omikron nusqasyn juqtyratynyn rastaityn dálelder joq.
Demek, bul týraly aqparat tolyǵymen negizsiz jáne zertteý nátijelerine qaishy keledi.
