3 tamyz kúni Qazaqstan halqy Assambleiasy Qazaqstan Respýblikasynyń «Mediatsiia týraly» Zańynyń qabyldanǵan kúnine orailastyryp, «Respýblikalyq biryńǵai mediatsiia kúnin» ótkizedi.
Saǵat 10.00-den bastap elimizdiń barlyq óńirlerinde oblystyq jáne qalalyq Dostyq úileri alańshalarynda, Assambleia qoǵamdyq kelisim keńesiniń aýdandyq jáne aýyldyq okrýgterinde QHA mediatsiia kabinetteriniń Ashyq esik kúni ótkiziledi. Is-shara barysynda mediatsiia jóninde keńester beriledi jáne tegin negizde (qajet bolǵan jaǵdaida) mediativtik kelisimderge qol qoiylady.
Bir ýaqytta joǵarǵy oqý oryndar men kolledjderdiń QHA kafedralarynda, memlekettik organdarda, «Nur Otan» partiiasynda, profsoiýz federatsiiasynda jáne biýdjettik mekemelerde seminarlar, «dóńgelek stoldar», forýmdar, klýb otyrystary, azamattardy qabyldaýlar, turǵyndarmen kezdesýler, flesh-mob jáne taǵy basqa da is-sharalar uiymdastyrylatyn bolady.
Aktsiiaǵa kásibi jáne kásibi emes mediatorlar, Qazaqstan halqy Assambleiasynyń, sottardyń, prokýratýranyń, zań organdarynyń, advokatýranyń, notariattyń, «Nur Otan» partiiasynyń, halyqqa qyzmet kórsetý ortalyqtarynyń, AHAJ organdarynyń, turǵyn úi-kommýnaldyq sharýashylyqtarynyń, BAQ-tyń ókilderi jáne basqa da múddeli tulǵalar qatysady.
Is-shara sheńberinde QHA-nyń «Jańǵyrý joly» respýblikalyq jastar qozǵalysynyń músheleri turǵyndar arasynda mediatsiia damýynyń ózekti máseleleri boiynsha blits-saýal júrgizetin bolady.
Aita ketsek, mediatsiia institýtynyń damýy - qoǵamdyq sanany jańǵyrtýdyń birden-bir joly.
Azamattardyń kez-kelgen janjaldy sheshý barysyndaǵy ymyraǵa kelýge daiyndyǵy azamattyq jetilý men jaýapkershiliginiń kórsetkishi bolyp tabylady, qoǵamnyń quqyqtyq mádenietin damytý deńgeiin kóteredi, Qazaqstannyń qoǵamdyq turaqtylyǵy men barlyq áleýmettik qurylymynyń beriktigin qamtamasyz etedi.
Bul «Rýhani jańǵyrý» baǵdarlamasyn iske asyrýdyń, qoǵamda pragmatizmdi qalyptastyrýdyń, bilim kýltiniń, básekege qabilettiliktiń, Qazaqstannyń evoliýtsiialyq damýynyń mańyzdy baǵyttarynyń biri bolyp tabylady.
Osyǵan bailanysty Memleket basshysynyń Qazaqstan halqy Assambleiasynyń qoǵamdyq mediatsiianyń damýyna qatysýy týraly tapsyrmasy Qazaqstan halqynyń birligin nyǵaitý boiynsha jańa qadam bolyp tabylady.
Qazaqstan halqy Assambleiasy týraly Zańǵa sáikes QHA qyzmetteriniń negizgi baǵyty qoǵamdyq kelisim jáne jalpyhalyqtyq birlik salasyndaǵy mediatsiianyń damýyna yqpaldasý bolyp tabylady.
Janjaldardyń aldyn alý jáne olardy sheshý, halyqtyń quqyqtyq mádenietin nyǵaitý úshin mediatorlar jelisin damytý sheńberinde Assambleia Qazaqstan Respýblikasynyń Joǵarǵy sotymen, Sýdialar odaǵymen, Respýblikalyq advokattar alqasymen, respýblikalyq Notarialdyq palatamen, Qazaqstan Respýblikasynyń densaýlyq saqtaý palatasymen, «Atameken» Ulttyq kásipkerler palatasymen jáne taǵy basqa da 40-tan astam tarappen yntymaqtastyq týraly memorandýmdarǵa qol qoidy.
Oblystyq jáne qalalyq Dostyq úilerinde QHA-nyń 17 mediatsiia kabineti jumys isteidi. Aýdandar men aýyldyq okrýgterde 829 mediatsiia kabineti bar, sondai-aq mediatsiia máseleleri QHA qoǵamdyq kelisim jáne analar keńesteri alańshalarynda qaralady.
Búginde Qazaqstanda qoǵamdyq (kásibi emes) mediatorlardyń sany 3169 adam boldy, 2016 j.- 1097, 2017 j.- 3562 bolatyn.
Respýblika boiynsha sheshimin tapqan daýlardyń sany:
- 2016 jyl: mediatorlar - 7990, sottarda sheshilgen – 12039;
- 2017 god: mediatorlar - 8355, sottarda sheshilgen -7724.
2018 jyldyń 5 aiy ishinde kelip túsken ótinimder sany 9213, olardyń 3046-sy keńes berý kezinde sheshimin tapqan, 6117-si boiynsha (2528-in kásibi emes mediatorlar (1739-y sotqa deiin, 789-y sotta) jáne 3589-yn kásibi mediatorlar (2175-i sotqa deiin, 1414-i sotta) mediatsiialyq kelisimder jasalǵan.
.jpeg)