Elimizdiń respýblikalyq mańyzy bar avtomobil joldaryna «Sergek» kameralary ornatylady. Bul týraly búgin «QazAvtoJol» UK» AQ basqarma tóraǵasy Ulan Álipov aitty, dep habarlaidy QazAqparat.
Elordada BAQ ókilderimen kezdesý barysynda Ulan Álipov kelesi jyly respýblikalyq mańyzy bar avtomobil joldarynda «Sergek» kameralaryn ornatý jumysy bastalatynyn aitty.
Atalǵan kameralar jol júrisi erejelerin buzý faktilerin tirkep otyrady.
«Bizde arka ornatý jumystary júrgizilip jatyr. Bul arkalardy «Sergek» kompaniiasy ornatyp, olarǵa kameralardy iledi. Kameralar qaladaǵydai jumys istep, jol júrisi erejeleriniń buzylýyn tirkep otyrady Iaǵni, respýblikalyq joldarda jol júrisi qaýipsizdigin saqtaýǵa baǵyttalǵan jumys júrgiziledi», - dep túsindirdi kompaniia basshysy.
Onyń atap ótýinshe, avtobanda ruqsat etilgen jyldamdyq - saǵatyna 140 shaqyrym.
