ەلٸمٸزدٸڭ رەسپۋبليكالىق ماڭىزى بار اۆتوموبيل جولدارىنا «سەرگەك» كامەرالارى ورناتىلادى. بۇل تۋرالى بٷگٸن «قازاۆتوجول» ۇك» اق باسقارما تٶراعاسى ۇلان ەلٸپوۆ ايتتى, دەپ حابارلايدى قازاقپارات.
ەلوردادا باق ٶكٸلدەرٸمەن كەزدەسۋ بارىسىندا ۇلان ەلٸپوۆ كەلەسٸ جىلى رەسپۋبليكالىق ماڭىزى بار اۆتوموبيل جولدارىندا «سەرگەك» كامەرالارىن ورناتۋ جۇمىسى باستالاتىنىن ايتتى.
اتالعان كامەرالار جول جٷرٸسٸ ەرەجەلەرٸن بۇزۋ فاكتٸلەرٸن تٸركەپ وتىرادى.
«بٸزدە اركا ورناتۋ جۇمىستارى جٷرگٸزٸلٸپ جاتىر. بۇل اركالاردى «سەرگەك» كومپانيياسى ورناتىپ, ولارعا كامەرالاردى ٸلەدٸ. كامەرالار قالاداعىداي جۇمىس ٸستەپ, جول جٷرٸسٸ ەرەجەلەرٸنٸڭ بۇزىلۋىن تٸركەپ وتىرادى ياعني, رەسپۋبليكالىق جولداردا جول جٷرٸسٸ قاۋٸپسٸزدٸگٸن ساقتاۋعا باعىتتالعان جۇمىس جٷرگٸزٸلەدٸ», - دەپ تٷسٸندٸردٸ كومپانييا باسشىسى.
ونىڭ اتاپ ٶتۋٸنشە, اۆتوباندا رۇقسات ەتٸلگەن جىلدامدىق - ساعاتىنا 140 شاقىرىم.
