Ortalyq sailaý komissiiasy saǵat 18.00-degi jaǵdai boiynsha daýys bergen sailaýshylardyń sanyn jariialady, dep habarlaidy Sputnik Qazaqstan.
"Oblystar, respýblikalyq mańyzy bar qalalar men astana aýmaqtyq komissiialarynyń málimeti boiynsha saǵat 18.00-degi jaǵdai boiynsha prezident sailaýynda daýys berý tizimine engizilgen azamattardyń protsenti 67,85%-i nemese 8 108 668 azamat biýlleten aldy", - dep málimdedi Ortalyq sailaý komissiiasynyń múshesi Shavhat Ótemisov.
Almaty qalasy sailaýshylarynyń belsendiligi áli de tómen. Turǵyndardyń nebári 27,93 paiyzy sailaý ýchaskelerine baryp, óz tańdaýyn jasaǵan.
Sailaýshylary eń belsendi úzdik úsh óńirge Túrkistan (80,25%), Abai (78,88%) jáne Qaraǵandy (77,80%) oblystary enip otyr.
Shetelde júrgen qazaqstandyqtar da saiasi naýqannan tys qalǵan joq. Buǵan deiin OSK shet elderdegi 68 sailaý ýchaskesiniń 64-inde daýys berý júrip jatqanyn málimdegen edi.
Sondai-aq Vashington, Niý-Iork jáne Ottavada daýys berý bastaldy. San-Frantsiskodaǵy taǵy bir ýchaske ýaqyt aiyrmashylyǵyna bailanysty keshirek ashylady. Shetelde júrgen qazaqstandyqtar úshin barlyǵy 53 memlekette 68 sailaý ýchaskesi quryldy.
Aita keteri, kezekten tys prezident sailaýynda 11 mln 950 myń 485 qazaqstandyq daýys bere alady. Ol úshin barlyǵy 10 101 sailaý ýchaskesi ashyldy.
Sailaýǵa alty kandidat túsip jatyr. Olar:
- Qasym-Jomart Toqaev (Halyqtyq koalitsiia atynan);
- Meiram Qajyken ( "Amanat" respýblikalyq kásipodaqtar birlestigi);
- Jigýli Dairabaev ("Aýyl" partiiasy);
- Qaraqat Ábden ("Kásibi áleýmettik jumysshylar ulttyq aliansy" respýblikalyq qoǵamdyq birlestigi);
- Saltanat Tursynbekova ("Qazaq analary – dástúrge jol" respýblikalyq qoǵamdyq birlestigi);
- Nurlan Áýesbaev (Jalpyhalyqtyq sotsial-demokratiialyq partiiasy).
Sondai-aq sailaýshylar biýlletende "Bárine qarsymyn" degen tarmaqty da tańdai alady. Konstitýtsiiaǵa engizilgen sońǵy ózgeristerge sáikes, osy joly jańa Prezident jeti jylǵa jáne tek bir merzimge sailanady.
