Qoǵamdyq saiasat institýty 7 qyrkúiekte telefon arqyly saýalnama júrgizdi. Nur-sultan, Almaty, Shymkent qalalary men 17 oblystyń qala jáne aýyl turǵyndary arasynda 18 jastan asqan 2394 respondentten saýalnama alyndy.
Zertteý nátijeleri Memleket basshysynyń Qazaqstan halqyna Joldaýynda kóterilgen saiasi bastamalardy halyqtyń oń qabyldaǵanyn kórsetti.
Esterińizge sala keteiik, Memleket basshysy Q.K. Toqaev 2022 jylǵy 1 qyrkúiektegi Qazaqstan halqyna Joldaýynda Prezidenttiń ókilettik merziminiń sany men uzaqtyǵyn qaita qaraýdy usynǵan bolatyn. Atap aitqanda, Prezidenttiń mandatyn ekinshi ret qaita sailaný quqyǵynsyz 7 jylǵa sozylatyn tek bir merzimmen shekteý týraly bastama kóterildi.
Suralǵandardyń basym kópshiligi (82,4%) bul saiasi jańashyldyqty qoldaidy.
Bul bastamany qoldaityndar negizinen mynadai dálel keltiredi:
- 7 jyl ishinde kez-kelgen sailaýaldy baǵdarlamany júzege asyrýǵa bolady (61,7%);
- 7 jyl ishinde biliktiń barlyq qurylymdaryn monopoliialap alý múmkin emes (14,9%).
Sondai-aq, árbir 5-shi respondent úshin (19,5%) eń basty másele - Prezidenttiń tek bir ret qana sailanatyny.
