Resei biligi el aýmaǵynda Instagram jelisiniń buǵattalǵanyn habarlap, azamattarǵa "Odnoklassniki" jáne "Vkontakte" jelilerine kóshýdi usynyp jatyr.
Buǵattaý sebebin "túsindirgen" biliktiń aitýynsha, "áleýmettik jeli basshylyǵy halyqaralyq quqyqqa qaishy áreket etip, tarihta tuńǵysh ret reseilikterge ǵana kúsh qoldanýǵa shaqyrýǵa ruqsat bergen".
Instagramǵa ielik etetin Meta kompaniiasy juma kúni Ýkrainaǵa basyp kirgen Resei áskerine qatysty balaǵat sózderdi qoldanýǵa tek Ýkraina aýmaǵynda ǵana ruqsat bergenin habarlady. Kompaniia degenmen rýsofobiia men kez kelgen diskriminatsiiaǵa jol bermeitinin eskertti.
Reseide Instagram 14 naýryzda jabyla bastaidy. "Roskomnadzordyń" aitýynsha, belsendi qoldanýshylarǵa foto-video materialdaryn ózge áleýmettik jelilerge kóshirýge ýaqyt berilgen.
Buǵan deiin Resei bas prokýratýrasy Meta kompaniiasyna qaraityn Facebook, Instagram jáne WhatsApp jelilerin ekstremistik uiym dep tanyǵan. Sottan Instagramdy buǵattaýdy jeke talap etken.
