رەسەي بيلٸگٸ ەل اۋماعىندا ينستاگرام جەلٸسٸنٸڭ بۇعاتتالعانىن حابارلاپ, ازاماتتارعا "ودنوكلاسسنيكي" جەنە "ۆكونتاكتە" جەلٸلەرٸنە كٶشۋدٸ ۇسىنىپ جاتىر.
بۇعاتتاۋ سەبەبٸن "تٷسٸندٸرگەن" بيلٸكتٸڭ ايتۋىنشا, "ەلەۋمەتتٸك جەلٸ باسشىلىعى حالىقارالىق قۇقىققا قايشى ەرەكەت ەتٸپ, تاريحتا تۇڭعىش رەت رەسەيلٸكتەرگە عانا كٷش قولدانۋعا شاقىرۋعا رۇقسات بەرگەن".
ينستاگرامعا يەلٸك ەتەتٸن Meta كومپانيياسى جۇما كٷنٸ ۋكرايناعا باسىپ كٸرگەن رەسەي ەسكەرٸنە قاتىستى بالاعات سٶزدەردٸ قولدانۋعا تەك ۋكراينا اۋماعىندا عانا رۇقسات بەرگەنٸن حابارلادى. كومپانييا دەگەنمەن رۋسوفوبييا مەن كەز كەلگەن ديسكريميناتسيياعا جول بەرمەيتٸنٸن ەسكەرتتٸ.
رەسەيدە ينستاگرام 14 ناۋرىزدا جابىلا باستايدى. "روسكومنادزوردىڭ" ايتۋىنشا, بەلسەندٸ قولدانۋشىلارعا فوتو-ۆيدەو ماتەريالدارىن ٶزگە ەلەۋمەتتٸك جەلٸلەرگە كٶشٸرۋگە ۋاقىت بەرٸلگەن.
بۇعان دەيٸن رەسەي باس پروكۋراتۋراسى Meta كومپانيياسىنا قارايتىن Facebook, Instagram جەنە WhatsApp جەلٸلەرٸن ەكسترەميستٸك ۇيىم دەپ تانىعان. سوتتان ينستاگرامدى بۇعاتتاۋدى جەكە تالاپ ەتكەن.
