QR Ishki ister ministriniń birinshi orynbasary Marat Qojaev Resei aýmaǵynan qazaqstandyqtardyń bank shottarynan qarjy jymqyrý faktileri boiynsha túsinik berdi, dep habarlaidy "Ult aqparat".
Parlament Májilisiniń jalpy otyrysynda depýtat Artýr Platonov elimizdiń azamattarynyń múlkine qatysty Resei aýmaǵynda jasalǵan 42 qylmystyq is tergelip jatqanyn atap ótti. Atap aitqanda, alaiaqtyq jolmen jáne aqparattyq tehnolgiialardy paidalaný arqyly bank shottarynan qazaqstandyqtardyń aqshasy jymqyrylǵan.
«42 qylmysqa toqtalsaq, shynymen de QR Ishki ister ministrligi tarapynan Resei aýmaǵynda jasalǵan qylmystyq isti tergep jatyr. Bul qylmysqa kúdikti alaiaqtar anyqtalmai jatyr. Olar jelidegi jalǵan jarnamalyq múmkindikterdi paidalana otyryp, bizdiń azamattardyń shottaryna qol jetkizip júrgen. Osy oraida elektrondy tásildermen qazaqstandyqtardyń aqshasyn Resei aýmaǵyna aýdarǵan, shamamen 200 millionǵa jýyq. Meniń bilýimshe, bul qarjy Máskeý, Sank-Peterbor, Ýfa jáne birneshe qalanyń aýmaǵanan shyǵarylyp alyndy. Biz Minsk konventsiiasyna sáikes, bankterde aqshany shyǵaryp alǵan adamdarǵa qatysty videony usyný týraly saýal joldadyq», - dedi Marat Qojaev.
Onyń atap ótýinshe, bul baǵyttaǵy rásimder birneshe aiǵa sozylýda.
«Kelisý rásimderi bizdiń organdar arasynda ótkenshe, keiin QR Bas prokýratýrasy arqyly, sondan keiin RF Bas prokýratýrasynan ótkizilgenshe, iaǵni bul atqarylatyn jumystar shamamen eki aiǵa jalǵasady. Ózderińiz bilesizder, osy ýaqyt ishinde video materialdardy saqtaý merzimi ótip ketedi. Qazirgi kezde keibir faktiler boiynsha qajetti video-jazbalar saqtalmaǵany habarlandy. Sondyqtan búgin Májiliste qaralǵan qujat osy tektes máselelerge jedel áreket etýge múmkindik beredi», - dedi M. Qojaev.
Aita keteiik, búgin Parlament Májilisiniń jalpy otyrysynda «TMD-ǵa qatysýshy memleketterdiń aqparattyq tehnologiialar salasyndaǵy qylmystarmen kúrestegi yntymaqtastyǵy týraly kelisimdi ratifikatsiialaý týraly» zań jobasy maquldandy.
