© kp.ru
Batys Qazaqstan oblysynyń Kásipkerlik jáne indýstrialdy-innovatsiialyq damý basqarmasynyń baspasóz qyzmeti "Moi Gorod" basylymyna "reseilikter Oral bazarlarynan qap-qabymen azyq-túlik satyp alyp jatqany" týraly aqparatqa túsinikteme berdi, - dep habarlaidy Tengrinews.kz tilshisi.
Vedomstvo bul aqparat shyndyqqa janaspaidy dep sendirdi.
"Saýda nysandaryndaǵy jaǵdaiǵa jedel monitoring júrgizildi. Negizgi saýda bazarlaryn araladyq, sondai-aq Oraldaǵy tamaq ónimderiniń negizgi kóterme satýshylarynan aqparat alyndy. Osylaisha, basqarma azyq-túlikti jappai satyp alý týraly taratylǵan aqparat senimdi emes dep resmi túrde habarlaidy.
Máselen, kóterme saýda kásipornynyń basshysy Vera Sabirova oblys turǵyndary tarapynan da, kórshi elderdiń azamattary tarapynan da taýarlarǵa dúrlikpe tutynýshylyq suranys baiqalmaǵanyn atap ótti. Halyqqa taýarlardy ótkizý ádettegi kólemde júzege asyrylady. Iri azyq-túlik jetkizýshileriniń biri "Shans" JShS ókiliniń aitýynsha, azyq-túlikke joǵary suranys ta baiqalmaidy, al saýda obektileriniń qoimalarynda qajetti taýarlardyń jetkilikti kólemi bar", - delingen basylym redaktsiiasyna joldanǵan hatta.
