"Azamattarǵa arnalǵan úkimet" memlekettik korporatsiiasy Resei azamattarynyń legi halyqqa qyzmet kórsetý ortalyqtaryndaǵy kezekterge áser etpegenin málimdedi, - dep habarlaidy Tengrinews.kz.
Korporatsiia halyqqa qyzmet kórsetý ortalyqtarynyń jumys kestesin ózgertýge Qazaqstanǵa sheteldikterdiń kelýi sebep bolmaǵanyn habarlady.
"Klientter HQKO men mamandandyrylǵan HQKO-lardyń jumys ýaqytyn ulǵaitýdy burynnan suraǵan, sebebi jumys kúnderi memlekettik qyzmetterdi alýǵa úlgermeidi. Osyǵan bailanysty Memlekettik korporatsiia klientterge yńǵaily bolýy úshin aldymen kezekshi HQKO-lar jumysyn qaita bastady, olar jumys kúnderi saǵat 20:00-ge deiin jáne senbi kúnderi 13:00-ge deiin jumys isteidi, al osy aptadan bastap kezekshi mamandandyrylǵan HQKO jumysty qaita bastady", - dedi "Azamattarǵa arnalǵan úkimettiń" Qoǵammen bailanys jónindegi basqarýshy direktory Nariman Dúisekeev.
Qazaqstandyqtar senbi kúni júrgizýshi kýáligin alý, kólik quraldaryn tirkeý, sondai-aq memlekettik nómir berý qyzmetterine júgine alady.
"Azamattarǵa arnalǵan úkimet" málimetinshe, ótken aptada 12 798 adam JSN alýǵa ótinish bergen.
"Osy aptada klientter sany 10 354 boldy. Sondai-aq, memlekettik korporatsiia halyqqa qyzmet kórsetý ortalyqtaryndaǵy baqylaý kameralarynyń jazbalaryn zerttei kele, halyqqa qyzmet kórsetý ortalyqtarynda klientterdiń jinalýy anyqtalmady", - dep qorytyndylady kompaniia ókilderi.
