"Levada-Tsentr" ortalyǵy júrgizgen áleýmettik zertteýde reseilikter Belarýs, Qytai jáne Qazaqstandy "eń jaqyn dos elder" dep ataǵan. Bul týraly Azattyq habarlady.
Zertteýge qatysqandardyń 58 paiyzy Belarýsti Reseidiń dosy dep jaýap bergen. Al 34 paiyzy Qazaqstandy "Reseidiń dosy" dep sanaidy. Ondyqta Armeniia, Úndistan, Ázerbaijan, Qyrǵyzstan, Siriia, Germaniia jáne Kýba bar.
Reseilikter basym bóligi AQSh (66 paiyz), Ýkraina (40 paiyz), Ulybritaniiany (28) "Reseidiń dosy emes" dep jaýap bergen. Bul tizimge Baltyq jaǵalaýy elderi, Polsha, Germaniia, Grýziia jáne Chehiia engen.
Áleýmettanýshylar keiingi ýaqytta reseilikterdiń AQSh-qa degen kózqarasy nasharlap ketkenin aitady. Naýryzda reseilikterdiń 42 paiyzy, mamyrda 54 paiyzy "AQSh – Reseidiń dosy emes" degen.
"Levada-tsentrdiń" málimetinshe, saýalnamaǵa qatysqandardyń 83 paiyzy "Reseidiń jaýy bar" dep sanaidy.
- Iýrii Levadanyń memlekettik emes saraptamalyq ortalyǵy – "Levada-tsentr" 2016 jyldan beri elde saiasi áleýmettik zertteýler júrgizip keledi. Resei biligi bul ortalyqty "shetel agenti" dep tanyǵan. "Levada-tsentr" munymen kelispeidi. Bul ortalyq memlekettik áleýmettik qyzmet ortalyqtary júrgizgen saýalnamalarǵa kúdik keltirgen.
