"لەۆادا-تسەنتر" ورتالىعى جٷرگٸزگەن ەلەۋمەتتٸك زەرتتەۋدە رەسەيلٸكتەر بەلارۋس, قىتاي جەنە قازاقستاندى "ەڭ جاقىن دوس ەلدەر" دەپ اتاعان. بۇل تۋرالى ازاتتىق حابارلادى.
زەرتتەۋگە قاتىسقانداردىڭ 58 پايىزى بەلارۋستٸ رەسەيدٸڭ دوسى دەپ جاۋاپ بەرگەن. ال 34 پايىزى قازاقستاندى "رەسەيدٸڭ دوسى" دەپ سانايدى. وندىقتا ارمەنييا, ٷندٸستان, ەزەربايجان, قىرعىزستان, سيرييا, گەرمانييا جەنە كۋبا بار.
رەسەيلٸكتەر باسىم بٶلٸگٸ اقش (66 پايىز), ۋكراينا (40 پايىز), ۇلىبريتانييانى (28) "رەسەيدٸڭ دوسى ەمەس" دەپ جاۋاپ بەرگەن. بۇل تٸزٸمگە بالتىق جاعالاۋى ەلدەرٸ, پولشا, گەرمانييا, گرۋزييا جەنە چەحييا ەنگەن.
ەلەۋمەتتانۋشىلار كەيٸنگٸ ۋاقىتتا رەسەيلٸكتەردٸڭ اقش-قا دەگەن كٶزقاراسى ناشارلاپ كەتكەنٸن ايتادى. ناۋرىزدا رەسەيلٸكتەردٸڭ 42 پايىزى, مامىردا 54 پايىزى "اقش – رەسەيدٸڭ دوسى ەمەس" دەگەن.
"لەۆادا-تسەنتردٸڭ" مەلٸمەتٸنشە, ساۋالناماعا قاتىسقانداردىڭ 83 پايىزى "رەسەيدٸڭ جاۋى بار" دەپ سانايدى.
- يۋريي لەۆادانىڭ مەملەكەتتٸك ەمەس ساراپتامالىق ورتالىعى – "لەۆادا-تسەنتر" 2016 جىلدان بەرٸ ەلدە ساياسي ەلەۋمەتتٸك زەرتتەۋلەر جٷرگٸزٸپ كەلەدٸ. رەسەي بيلٸگٸ بۇل ورتالىقتى "شەتەل اگەنتٸ" دەپ تانىعان. "لەۆادا-تسەنتر" مۇنىمەن كەلٸسپەيدٸ. بۇل ورتالىق مەملەكەتتٸك ەلەۋمەتتٸك قىزمەت ورتالىقتارى جٷرگٸزگەن ساۋالنامالارعا كٷدٸك كەلتٸرگەن.
