Freedom Holding kompaniiasynyń negizin qalaýshy, Forbes tizimindegi reseilik yqpaldy kásipker Timýr Týrlov Qazaqstan azamaty atandy. Bul týraly ol Instagram-daǵy paraqshasynda jazdy, - dep habarlady Ulysmedia.kz.
“Osydan 11 jyl buryn Qazaqstanǵa keldim. Sońǵy 10 jylda otbasymmen osynda turamyn.
Qazaqstan maǵan úlken shabyt syilady, bul elde kóp dos taptym. Meniń balalarymnyń kóbi osynda týdy, bári osynda turady jáne oqidy.
Qazaqstan - táýelsiz, kópultty el. Munda ulty men dini basqa kóptegen ulttar men ulystar beibit ómir súrip jatyr. Azamattardyń kóbi eki tilde sóileidi.
Qazaqstanda maǵan unaityn oń ózgerister bolyp jatyr. Bizdiń holdingtiń komandasyna qarjy áleminde úzdik ónimder jasaýǵa múmkindik beretin tsifrlyq transformatsiiaǵa qatysty ózgerister tez damý ústinde.
Dál osy jerde bizdiń holdingtiń #NASDAQ ataýymen shtab-páteri ornalasqan. Men Qazaqstan azamaty atanǵanymdy maqtan tutamyn”, – dep jazdy Timýr Týrlov.
Kásipker Qazaqastannyń beibit jáne qonaqjai saiasatynyń arqasynda jańa, bai, tiimdi jáne ádil memleketke ainalatynyna senim bildirdi.
“Men osy eldiń azamaty retinde kásipkerlikpen eldiń damýyna úles qosamyn dep úmittenemin. AQSh pen Germaniiada “Tsifrlyq ipoteka” týraly aitqanymda adamdar tamsanady. Osyndai oqiǵalar kóbeiedi dep senemin.
Men úshin bul - úlken jaýapkershilik, úlken qurmet. Bul holdingtiń atynan Qazaqstanǵa kapital tartýdy ulǵaitatynymyzdy bildiredi. Sonyń ishinde amerikalyq jáne eýropalyq kompaniialardy tartatyn bolamyz. Men munda úlken ózgerister bolatynyn sezemin. Qazir munda kóp múmkindik bar. Qazaqstan - álemdegi eń tartymdy memleketterdiń biri. Biz bárimiz birigip, ony kórkeitemiz!
Men qazaqsha úirenemin, jaqynda men qazaqsha sóileitin bolamyn!”, – deidi Qazaqstannyń jarqyn bolashaǵyna senetin kásipker.
Timýr Týrlov 19 sáýirde Resei azamattyǵynan bas tartyp, Qazaqstan azamattyǵyn alǵysy keletinin habarlaǵan.
