Foto: ski-atlas.ru
Reseilik jas shańǵyshy Aleksandra Skorohodova 2024 jyly Ońtústik Koreiada ótetin jasóspirimder arasyndaǵy qysqy Olimpiada oiyndaryna qatysyp, Qazaqstannyń namysyn qorǵaidy. Bul týraly Almatyda ótken baspasóz máslihatynda málim boldy, dep habarlaidy QazAqparat.
Aleksandra respýblikalyq jarystarǵa, Qazaqstan Respýblikasynyń kýbogi men Qazaqstan Respýblikasynyń chempionatyna jáne 2024 jyly Ońtústik Koreiada ótetin jasóspirimder arasyndaǵy qysqy Olimpiada oiyndaryna qatysady.
Baspasóz málihatynda Taý shańǵysynan qazaqstandyq jattyqtyrýshy, Almatydaǵy joǵary sport sheberligi mektebiniń aǵa jattyqtyrýshysy Mark Shparberg Aleksandra Skorohodova ulttyq quramaǵa qalai qabyldanǵanyn aityp berdi.
«Aleksandra Skorohodova jaqsy nátije kórsetken soń ózimizge qabyldadyq. Qazirgi ýaqytta 16-17 jastar arasynda myqtylardyń biri. Biz de sportshylarymyzdyń deńgeiin kóterý úshin qabyldadyq, óitkeni sportta myqty bolý úshin ózińnen myqtylarmen birge jattyǵý kerek. Ol óz mansabyn bizben jalǵastyrýdy sheshti, óitkeni búgingi álemde qandai jaǵdai bolyp jatqanyn bárińiz bilesizder. Qazir ol bizben birge jattyǵyp, Qazaqstan quramasynyń sapynda oinaidy», - deidi Mark Shparberg.
Aitýynsha, bolashaǵy bar sportshy.
«Bolashaǵy bar. Ol – Reseidiń absoliýtti chempiony. Bizde de tamasha nátije kórsetti. Joǵary deńgeidegi jarystarda Aleksandra ekinshi áreketinde Eýropa kýbogi deńgeiindegi sportshylarǵa ǵana ese jiberip qoidy. Nátijesinde, 100 adamnyń ishinde 13-shi boldy», - dedi ol.
Aita keteiik, Aleksandra Skorohodova biyl Qazaqstan Respýblikasynyń azamattyǵyn aldy.
