Jyl basynan beri Atyraý oblysyna Resei Federatsiiasynan 56 zańdy tulǵa kóship kelgen, dep habarlaidy Ulysmedia.kz.
Oblystyq Memlekettik kirister departamentiniń málimetinshe, ótken jyly Reseiden Atyraýǵa 10 shaqty kompaniia ǵana qonys aýdarsa, biyl olardyń sany tórt esege ósip otyr.
"Olar 26 mlrd 33 mln teńge salyq tóledi. Bul qarajattyń barlyǵy respýblikalyq biýdjetke túsedi", - dep málimdedi oblystyq Memlekettik kirister departamentiniń baspasóz qyzmeti.
Atyraý oblysyna kóship kelgen kompaniialardyń kópshiligi saýda-sattyqpen ainalysyp, kóliktik qyzmetter usynady. Jáne olardyń barlyǵy jaýapkershiligi shekteýli seriktestik retinde tirkelgen.
