kórneki sýret
Reseilik erli-zaiypty qos azamattyǵy úshin Qazaqstannan shyǵaryldy, - dep habarlaidy Tengrinews.kz agenttigi Kóliktegi politsiia departamentine silteme jasap.
Vedomstvo málimetinshe, quqyqbuzýshylar Almaty áýejaiynda anyqtalǵan. Olar - 69 jáne 71 jastaǵy Resei azamattary. Erli-zaiyptyǵa qatysty Ákimshilik quqyq buzýshylyq týraly kodeksiniń 496-baby 2-bóligi boiynsha hattama toltyrylǵan.
"Almaty qalasy ákimshilik quqyqbuzýshylyq jónindegi mamandandyrylǵan aýdanaralyq soty qaýlysymen quqyqbuzýshylarǵa 5 jyl merzimge QR aýmaǵyna kirýge tyiym salynyp, Qazaqstan Respýblikasynan tys jerge shyǵarý túrinde jaýapqa tartyldy", - dedi Kóliktegi PD bastyǵynyń birinshi orynbasary polkovnik Madiiar Aitýǵanov.
Aita keteiik, biyl kóshi-qon salasyndaǵy zańnamany buzǵany úshin 986 azamat, onyń 38-i qos azamattyq úshin jaýapkershilikke tartylǵan. Sondai-aq, sot qaýlysymen 155 sheteldik elden shyǵarylǵan.
