Reseilik dárigerler Qazaqstanǵa keldi, dep habarlaidy QR SIM baspasóz qyzmeti.
«COVID-19 koronavirýs indetine qarsy is-qimyl birlesken is-sharalar jáne QR Premer-ministri Asqar Maminniń RF Úkimetiniń Tóraǵasy Mihail Mishýstinmen kelisimderi sheńberinde Resei TJM arnaiy reisimen 6 shildede Nur-Sultan qalasyna Reseidiń Densaýlyq saqtaý ministrliginiń jáne Rospotrebnadzordyń bir top dárigeri keldi. 32 adamnan turatyn topqa epidemiolog, virýsolog jáne basqa da beiindi baǵyttardaǵy dárigerler kirdi», delingen habarlamada.
Reseilik mamandar qazaqstandyq dárigerlerge koronavirýs pandemiiasymen kúresýde konsýltatsiialyq jáne praktikalyq kómek kórsetetin bolady.
«Qazaqstan Syrtqy ister ministrligi koronavirýs pandemiiasymen kúreste kórsetken qoldaýy úshin Resei Úkimeti men dostas halqyna alǵysyn bildiredi», delingen habarlamada.
