Áleýmettik jelide reseilik dárigerdiń Qazaqstannan shyǵarylǵany týraly aqparat shyqty. Politsiia ókilderi bul aqparatqa qatysty túsinik berdi, - dep habarlaidy Tengrinews.kz.
Politsiia bul aqparatty rastady. Almaty qalasy PD Kóshi-qon qyzmeti basqarmasynyń málimeti boiynsha, 23 qyrkúiekte RF azamaty Roman Alferov QR UQK Shekara qyzmetiniń qyzmetkerlerine "Qordai avto" baqylaý-ótkizý pýnktinde tapsyryldy.
"Naýryzbai aýdandyq sotynyń 2021 jylǵy 27 shildedegi sheshimimen Almaty qalasy PD Almaly aýdandyq PB-nyń aryzy boiynsha Qazaqstannyń zańnamasyn buzǵany úshin Resei azamaty Roman Alferov Qazaqstan Respýblikasynyń shekarasynan shyǵaryldy. Sot sheshimin óz erkimen oryndaýǵa 10 kún merzim berilgen, alaida osy ýaqyt ishinde sheteldik azamat ártúrli joldarmen sot sheshimin oryndaýdan jaltarǵan, iaǵni birneshe ret kassatsiialyq shaǵym bergen, statsionarda emdelýde bolǵan. Sonymen qatar ol Qazaqstanda bolǵan kezinde birneshe ret ákimshilik jaýapkershilikke jáne bir ret qylmystyq jaýapkershilikke tartylǵan", - dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchinov.
