Qostanai qalasynyń №2 sotynda Qazaqstan men Resei Federatsiiasynan birdei zeinetaqy alyp kelgen Resei azamatyna qatysty is qaraldy, dep habarlady "Ult aqparat" oblystyq sottyń baspasóz qyzmetine silteme jasap.
Is derekterine súiensek, zeinetker 2000 jyly RF Cheliabi oblysynyń Zeinetaqy qorynyń tizimine alynǵan.
«Ol 2003 jyly QR zańnamasynda kórsetilgendei, zeinet jasyna jetken soń «Azamattarǵa arnalǵan úkimet» memlekettik korporatsiiasynyń Qostanai oblysyndaǵy filialyna jasy boiynsha zeinetaqy berý úshin ótinish jazady. Ótinishinde basqa TMD elderinde zeinetaqy jarnalarynyń túsimderiniń joǵyn kórsetedi. Osylaisha, ol korporatsiia qyzmetkerlerin aldaǵan», - delingen oblystyq sottyń baspasóz habarlamasynda.
Belgili bolǵandai, ol 2003 jyldyń naýryz aiynan 2018 jyldyń naýryzyna deiin 15 jyl boiy zańsyz aqsha alyp kelgen. Ol osy ýaqyt aralyǵynda 3 968 718 teńge qarajat jymqyrǵan.
Endi ol QR QK 190-baby, 3-bóligi, 1-tarmaǵy boiynsha sot aldynda jaýap beredi.
