قوستاناي قالاسىنىڭ №2 سوتىندا قازاقستان مەن رەسەي فەدەراتسيياسىنان بٸردەي زەينەتاقى الىپ كەلگەن رەسەي ازاماتىنا قاتىستى ٸس قارالدى, دەپ حابارلادى "ۇلت اقپارات" وبلىستىق سوتتىڭ باسپاسٶز قىزمەتٸنە سٸلتەمە جاساپ.
ٸس دەرەكتەرٸنە سٷيەنسەك, زەينەتكەر 2000 جىلى رف چەليابٸ وبلىسىنىڭ زەينەتاقى قورىنىڭ تٸزٸمٸنە الىنعان.
«ول 2003 جىلى قر زاڭناماسىندا كٶرسەتٸلگەندەي, زەينەت جاسىنا جەتكەن سوڭ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ قوستاناي وبلىسىنداعى فيليالىنا جاسى بويىنشا زەينەتاقى بەرۋ ٷشٸن ٶتٸنٸش جازادى. ٶتٸنٸشٸندە باسقا تمد ەلدەرٸندە زەينەتاقى جارنالارىنىڭ تٷسٸمدەرٸنٸڭ جوعىن كٶرسەتەدٸ. وسىلايشا, ول كورپوراتسييا قىزمەتكەرلەرٸن الداعان», - دەلٸنگەن وبلىستىق سوتتىڭ باسپاسٶز حابارلاماسىندا.
بەلگٸلٸ بولعانداي, ول 2003 جىلدىڭ ناۋرىز ايىنان 2018 جىلدىڭ ناۋرىزىنا دەيٸن 15 جىل بويى زاڭسىز اقشا الىپ كەلگەن. ول وسى ۋاقىت ارالىعىندا 3 968 718 تەڭگە قاراجات جىمقىرعان.
ەندٸ ول قر قك 190-بابى, 3-بٶلٸگٸ, 1-تارماعى بويىنشا سوت الدىندا جاۋاپ بەرەدٸ.
