Foto: shutterstock.com / Pincasso
Reseige salynǵan sanktsiialardan soń osy elde buǵan deiin jumys istep kelgen sheteldik kompaniialar ketip jatyr. Olardyń birazy Qazaqstanǵa kelýge nietti. Ortalyq kommýnikatsiialar qyzmetinde ótken brifingide Syrtqy ister ministriniń orynbasary Almas Aidarov osylai málim etti, dep habarlaidy QazAqparat.
«Álemniń 40-tan astam eli Reseige sanktsiia saldy. Al osy elde buǵan deiin jumys istep kelgen sheteldik kompaniialar ketip jatyr. Degenmen olar Eýraziia qurlyǵynda qalyp, biznes júrgizýdi josparlap otyr. Bul rette biz Reseige jaqyn ornalasqandyqtan, ol kompaniialar Qazaqstanǵa bet burmaq. Qazaqstan tarapy áleýeti zor degen 400 shaqty kompaniiany tańdap otyr. Olardyń basym kópshiligi AQSh, Germaniia jáne Ońtústik Koriadan», - dedi ministrdiń orynbasary BAQ ókilderiniń saýalyna jaýap bere otyryp.
Buǵan qosa, Almas Aidarov byltyrdan bastap Qazaqstan Reseige áskeri maqsattaǵy taýarlardy jetkizýdi tolyq toqtatqanyn aitty.
