فوتو: shutterstock.com / Pincasso
رەسەيگە سالىنعان سانكتسييالاردان سوڭ وسى ەلدە بۇعان دەيٸن جۇمىس ٸستەپ كەلگەن شەتەلدٸك كومپانييالار كەتٸپ جاتىر. ولاردىڭ بٸرازى قازاقستانعا كەلۋگە نيەتتٸ. ورتالىق كوممۋنيكاتسييالار قىزمەتٸندە ٶتكەن بريفينگٸدە سىرتقى ٸستەر مينيسترٸنٸڭ ورىنباسارى الماس ايداروۆ وسىلاي مەلٸم ەتتٸ, دەپ حابارلايدى قازاقپارات.
«ەلەمنٸڭ 40-تان استام ەلٸ رەسەيگە سانكتسييا سالدى. ال وسى ەلدە بۇعان دەيٸن جۇمىس ٸستەپ كەلگەن شەتەلدٸك كومپانييالار كەتٸپ جاتىر. دەگەنمەن ولار ەۋرازييا قۇرلىعىندا قالىپ, بيزنەس جٷرگٸزۋدٸ جوسپارلاپ وتىر. بۇل رەتتە بٸز رەسەيگە جاقىن ورنالاسقاندىقتان, ول كومپانييالار قازاقستانعا بەت بۇرماق. قازاقستان تاراپى ەلەۋەتٸ زور دەگەن 400 شاقتى كومپانييانى تاڭداپ وتىر. ولاردىڭ باسىم كٶپشٸلٸگٸ اقش, گەرمانييا جەنە وڭتٷستٸك كوريادان», - دەدٸ مينيستردٸڭ ورىنباسارى باق ٶكٸلدەرٸنٸڭ ساۋالىنا جاۋاپ بەرە وتىرىپ.
بۇعان قوسا, الماس ايداروۆ بىلتىردان باستاپ قازاقستان رەسەيگە ەسكەري ماقساتتاعى تاۋارلاردى جەتكٸزۋدٸ تولىق توقتاتقانىن ايتتى.
