Kórshi Resei Federatsiiasyna salynyp jatqan sanktsiia saldary álemdik deńgeide azyq-túlik daǵdarysyna alyp keldi. Bul pikirdi QR Saýda jáne integratsiia ministrligi saýda komiteti tóraǵasynyń orynbasary Aidar Ábildabekov ortaǵa saldy, dep habarlaidy QazAqparat.
«Azyq-túlik baǵasynyń ósimi Eýropa elderinde de baiqalady. Mysaly, Frantsiiada infliatsiia 5,1 paiyz - rekordtyq kórsetkishke jetti. Baǵa ósiminiń álemdik úrdisi Qazaqstanda azyq-túlik baǵasy ósýiniń faktory bolyp otyr. Biyl azyq-túlik baǵasy ósiminiń álemdik tendentsiiasy Ýkrainadaǵy jaǵdaiǵa da bailanysty. Sonymen qatar Reseige salynyp jatqan sanktsiialardyń saldarynan álem elderine jetkiziletin taýarlar tizimi buzyldy. Saldarynan álemdik deńgeide azyq-túlik daǵdarysyn týdy», - dedi Aidar Ábildabekov ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, álemdik deńgeidegi saiasatkerler men jetekshi ekonomister de baǵa turaqsyzdyǵyn boljap otyr.
«Ótken jyly Reseide jaisyz egis naýqanyna bailanysty kókónisterge suranys artty. Ásirese kartop pen qyryqqabatqa suranys joǵary boldy. Saldarynan baǵa ósti. Taǵy bir sebep - 2019 jyly Resei tarapynan qyryqqabatqa suranys joǵary boldy, sony eskergen bizdiń baǵbandar 2020 jyly kóp kólemde qyryqqabat ekti. Ózderińiz biletindei, 2020 jyly pandemiia bastalyp, shekaralar jabyldy. Saldarynan ónimniń birazy dalada qaldy. Sáikesinshe 2021 jyly qyryqqabat az egildi, az bolǵan soń suranys qaita artty. Osy jaǵdaidyń bári baǵa turaqsyzdyǵyna alyp keldi», - deidi ol.
