Mobilizatsiiadan qashqan reseilik azamat VVS-ge Qazaqstan shekarasyn qalai kesip ótkenin aityp berdi, dep habarlaidy Ulysmedia.kz.
Andrei S. atty azamat qyrkúiektiń 21-nen 22-sine qaraǵan túni Resei-Qazaqstan shekarasynan qalai ótkenin aitty.
«21 qyrkúiekte tańǵy saǵat 9-da turyp, prezidenttiń úndeýin tyńdadym. Saǵat 10.30-da apyl-ǵupyl kerek-jaraǵymdy jinaý úshin ekinshi páterge bardym. 14.00-de Cheliabige ushyp, sol jerden shekaraǵa jettim. Mobilizatsiiaǵa jaraimyn ba, joq pa bilmeimin, biraq ómirimdi tájiribege ainaldyrǵym kelmeidi», - deidi reseilik.
Onyń aitýynsha, shekarada úlken kezek qalyptasqan. Kóbinese er adamdar shekaradan ótýge asyq, keibiri qyzdarmen jáne áielderimen ótip ketip jatqan kórinedi. Biraq kezekte turǵandardyń 90 paiyzy - jas jigitter.
«Kezek kútip birneshe saǵat turǵan kezde osy ýaqyt aralyǵynda birneshe buiryq shyǵyp ketýi múmkin ekenin túsindik. Sóitip, chemodandarymyzdy alyp, jaiaý shekaradan ótýge kettik. Resei shekarasynan ótýge bir jarym saǵat ketedi. Shekarashylar biletti qashan alǵanyn, qandai áskeri mamandyqta ekenimizdi, jumyldyrý týraly estidiń be dep suraidy eken. Barlyǵyn 7-10 minýttai ustap, keibir jigitterdi qosymsha jaýap alýǵa áketedi, biraq eshkimnen áskeri bilet suramaidy», – deidi jas jigit.
Andrei Reseige oralǵysy kelmeitinin atap ótti.
«Túnde chemodanyńdy ustap kele jatyp, teatr qoiylymynda júrgendei elestetesiń ózińdi. Qazaq shekarashylary bosqyn bolyp qaida qashyp júrsińder dep kúledi. Reseige qaitpaimyn. Naýryzdyń basynda Qazaqstanǵa alty aiǵa kettim, sodan keiin Máskeýge ata-anama bir aiǵa baramyn dep sheshkem, aialdai almadym – taǵy da qashýǵa týra keldi», - deidi ol.
Eske salaiyq, 21 qyrkúiekte Resei prezidenti Vladimir Pýtin elde ishinara jumyldyrý týraly habarlaǵan bolatyn. Osydan keiin Resei Federatsiiasynan basqa elderge aldaǵy birneshe kúndik biletterdiń barlyǵy derlik birneshe saǵatta satylyp ketti. Búkil Reseide mobilizatsiiaǵa qarsy mitingiler ótti.
