QR Ulttyq qaýipsizdik qyzmeti 13 márte Reseige zańsyz jolmen meditsinalyq buiymdardy shyǵarmaq bolǵandardyń jolyn kesken, dep habarlaidy "Ult aqparat" vedomstvonyń baspasóz qyzmetine silteme jasap.
«Shekara qyzmetiniń Batys Qazaqstan oblysy boiynsha departamenti 2020 jylǵy naýryz aiynan bastap qazirgi ýaqytqa deiin Reseige meditsinalyq jeke qorǵanys zattaryn shyǵarýdyń 13 jaǵdaiynyń aldyn aldy (meditsinalyq maska – 4 585 570 dana, qolǵap – 3 900 000 dana, qorǵanys kózildirigi – 480 dana). Tárkilengen zattardyń boljamdy somasy 500 millionnan astam teńgeni quraidy» delingen habarlamada.
Málimetke sai, uiymdastyrýshylar qorǵanys zattaryn zańsyz shyǵarý úshin halyq tutynatyn taýarlar júginiń arasyna jasyrǵan.
UQK Shekara qyzmetiniń aýmaqtyq bólimsheleri Qazaqstannan jeke qorǵanys zattaryn zańsyz shyǵarýdyń jolyn kesý maqsatynda ótkizý pýnktterinde baqylaýdy kúsheitýdi qolǵa aldy.
