Reseidiń Birikken ulttar uiymyndaǵy turaqty ókildiginiń qyzmetkeri Boris Bondarev Ýkrainadaǵy soǵysqa bailanysty otstavkaǵa ketetinin málimdedi. Onyń sózinshe, "buǵan deiingi diplomatiialyq qyzmeti barysynda óz jumysy men eli úshin dál bulai eshqashan uialǵan emes".
"Pýtinniń Ýkrainaǵa, is júzinde búkil Batys álemine qarsy agressiiashyl saiasaty men soǵysy – tek qana Ýkraina halqy aldyndaǵy qylmys emes, menińshe Resei halqynyń aldynda da aýyr qylmys", – dep jazdy ol LinkedInáleýmettik jelisindegi paraqshasyna.
Birikken ulttar uiymynyń Jenevadaǵy bólimi saitynyń habaryna qaraǵanda, Bondarev turaqty ókildikte keńesshi qyzmetin atqarǵan. 20 jyl diplomatiialyq qyzmette bolǵan.
"Ókinishke qarai 20 jyl ishinde Syrtqy ister ministrliginiń jumysynda beikásibilik deńgeii ulǵaiyp, ótirik kóbeie tústi", – deidi diplomat.
Bondarevtiń sózine qaraǵanda, Resei Syrtqy ister ministrligi qazir dipomatiiamen emes, "arsyz ótirik taratyp, jekkórýshilik pen soǵysty nasihattaýmen" shuǵyldanyp otyr.
Máskeýdiń agressiiashyl saiasatyn aiyptaǵan ol "Reseide odaqtas qalǵan joq" dep jazdy. "Mansabyn ári qarai da jalǵastyra berýge bolatynyn, biraq qazirgi jaǵdaida memlekettik qyzmette qala berý - Otanyn satqanmen teń ekenin" aitty.
AP agenttigimen sóilesken ol memlekettik qyzmetker retinde eldiń áreketine jaýapkershilikti bólisýge mindetti ekenin, biraq olai istegisi kelmeitinin málimdedi.
Bondarev Ýkrainadaǵy soǵysqa bailanysty otstavkaǵa ketinin habarlaǵan Reseidiń alǵashqy kásibi diplomaty. Resei Syrtqy ister ministirligi bul jóninde túsinikteme bergen joq. "Kommersant" gazeti soǵys bastalǵaly Resei Syrqy ister ministrligindegi qyzmetinen ketken taǵy da birneshe diplomat bar ekenin jazdy, biraq ázirge eshbir diplomat mundai sheshimin ashyq jariialaǵan emes.
