رەسەيدٸڭ بٸرٸككەن ۇلتتار ۇيىمىنداعى تۇراقتى ٶكٸلدٸگٸنٸڭ قىزمەتكەرٸ بوريس بوندارەۆ ۋكرايناداعى سوعىسقا بايلانىستى وتستاۆكاعا كەتەتٸنٸن مەلٸمدەدٸ. ونىڭ سٶزٸنشە, "بۇعان دەيٸنگٸ ديپلوماتييالىق قىزمەتٸ بارىسىندا ٶز جۇمىسى مەن ەلٸ ٷشٸن دەل بۇلاي ەشقاشان ۇيالعان ەمەس".
"پۋتيننٸڭ ۋكرايناعا, ٸس جٷزٸندە بٷكٸل باتىس ەلەمٸنە قارسى اگرەسسيياشىل ساياساتى مەن سوعىسى – تەك قانا ۋكراينا حالقى الدىنداعى قىلمىس ەمەس, مەنٸڭشە رەسەي حالقىنىڭ الدىندا دا اۋىر قىلمىس", – دەپ جازدى ول LinkedInەلەۋمەتتٸك جەلٸسٸندەگٸ پاراقشاسىنا.
بٸرٸككەن ۇلتتار ۇيىمىنىڭ جەنەۆاداعى بٶلٸمٸ سايتىنىڭ حابارىنا قاراعاندا, بوندارەۆ تۇراقتى ٶكٸلدٸكتە كەڭەسشٸ قىزمەتٸن اتقارعان. 20 جىل ديپلوماتييالىق قىزمەتتە بولعان.
"ٶكٸنٸشكە قاراي 20 جىل ٸشٸندە سىرتقى ٸستەر مينيسترلٸگٸنٸڭ جۇمىسىندا بەيكەسٸبيلٸك دەڭگەيٸ ۇلعايىپ, ٶتٸرٸك كٶبەيە تٷستٸ", – دەيدٸ ديپلومات.
بوندارەۆتٸڭ سٶزٸنە قاراعاندا, رەسەي سىرتقى ٸستەر مينيسترلٸگٸ قازٸر ديپوماتييامەن ەمەس, "ارسىز ٶتٸرٸك تاراتىپ, جەككٶرۋشٸلٸك پەن سوعىستى ناسيحاتتاۋمەن" شۇعىلدانىپ وتىر.
مەسكەۋدٸڭ اگرەسسيياشىل ساياساتىن ايىپتاعان ول "رەسەيدە وداقتاس قالعان جوق" دەپ جازدى. "مانسابىن ەرٸ قاراي دا جالعاستىرا بەرۋگە بولاتىنىن, بٸراق قازٸرگٸ جاعدايدا مەملەكەتتٸك قىزمەتتە قالا بەرۋ - وتانىن ساتقانمەن تەڭ ەكەنٸن" ايتتى.
AP اگەنتتٸگٸمەن سٶيلەسكەن ول مەملەكەتتٸك قىزمەتكەر رەتٸندە ەلدٸڭ ەرەكەتٸنە جاۋاپكەرشٸلٸكتٸ بٶلٸسۋگە مٸندەتتٸ ەكەنٸن, بٸراق ولاي ٸستەگٸسٸ كەلمەيتٸنٸن مەلٸمدەدٸ.
بوندارەۆ ۋكرايناداعى سوعىسقا بايلانىستى وتستاۆكاعا كەتٸنٸن حابارلاعان رەسەيدٸڭ العاشقى كەسٸبي ديپلوماتى. رەسەي سىرتقى ٸستەر مينيستٸرلٸگٸ بۇل جٶنٸندە تٷسٸنٸكتەمە بەرگەن جوق. "كوممەرسانت" گازەتٸ سوعىس باستالعالى رەسەي سىرقى ٸستەر مينيسترلٸگٸندەگٸ قىزمەتٸنەن كەتكەن تاعى دا بٸرنەشە ديپلومات بار ەكەنٸن جازدى, بٸراق ەزٸرگە ەشبٸر ديپلومات مۇنداي شەشٸمٸن اشىق جارييالاعان ەمەس.
