Reseidiń Hakasiia repýblikasyndaǵy Shirin aýdanynda qarasty Jirim aýylynda bir otbasynyń bes adamyn qylmysker pyshaqtap óltirdi, dep habarlaidy TASS agenttigi.
«Hakasiia Respýblikasyndaǵy Shirin aýdanynyń Jirim aýylynda bir otbasyndaǵy bes adamnyń óltirilgeni týraly aqparat kelip tústi. Oqiǵa ornynda, jer úi aýmaǵynda áieldiń, onyń kúieýiniń, uly, kishkentai nemere qyzy jáne kúieýiniń aǵasynyń denesi tabyldy. Barlyǵyna jaraqat salynǵan.
RF Qylmystyq kodeksiniń 105-babymen (eki ne odan da kóp adamdy jáne kishkentai balany óltirý) qylmystyq is qozǵaldy. Atalǵan qylmysty jasady degen kúdikke ilingen Shirin aýdanynyń buryn asa aýyr qylmys jasaǵany úshin sottalǵan 1985 jylǵy turǵyny ustaldy», - dep habarlady tergeý komitetinen.
Qazirgi kezde qylmys bolǵan jerde tergeýshileri, kriminalister, jedel qyzmetkerler jáne sarapshylardan quralǵan tergeý-jedel toby jumys istep jatyr.
Olar qanquily qylmystyń barlyq mán-jaiyn anyqtaýǵa baǵyttalǵan keshendi tergeý sharasyn júrgizedi.
